நீர்க்குமிழியுடைத்து விளையாடும் காற்று

பைத்தியமாயிருப்பதே
ஃபேஷனாகி விட்டதால்
உங்களைப்போல் உடையணிந்துகொள்ளவும்
முயற்சிக்கிறேன்
இப்பொழுதெல்லாம்.

தன்னை இழக்கும் ருசி

குரூரத்தின் வன்ம விதைகளை
கருணை பொங்க‌
என்னுடல் வெளியில்
ஊடகனாய் விதைத்தாய்.
என்
கையறு வாழ்வில் உனக்கென்ன
கவலை.
நாம் சந்திக்கும் குறியிடங்களை
நீதான் தீர்மானிக்கிறாய்
எப்போதும்.
அது யந்திரோபாயமென்பதை
உணர்ந்ததில்லை யான்.
குறிப்புக்கு;
பெருமைதான் யெமக்கு அதில்.
ஒருபோதும் அல்லகுறியாவதில்லை
உனக்கு .

வதைவனம்

உன் பசப்புகளுக்கு

எனது கடல்

கட்டுண்டு மயங்கியது

ஒரு நிழலின்

அந்திப்பொழுது என்றறிந்து கொண்டது

மசமசக்கும் அறிகுறிகள்

புன்முறுவலாய் மாறுமா என்ன‌

கவிதையும் பித‌ற்ற‌லும்

தீட்ட எளிதானவை மலர்கள்
கடினம் இலைகள்

சப்பானியக் கவிதை

மனிதர்களுக்கு மலர்கள்தான் தேவை.இலைகள் கிளைகள் மரம் வேர், நிலம், நீர், காற்று, தேவையில்லை.உள்ளம் சுருங்கி பொருளுக்கு அடிமையான‌ ம‌ன‌ம் வேரென்ன செய்யும்.விதையிலிருந்து மலர்கள் மட்டும் பூத்தால்போதும். நுகர்வுவெறியேறிய மனிதமனம் மலர்களைத்தான் நேசிக்கும்.ஆத‌லினால் தீட்ட‌ எளிதானவை மலர்கள்கடினம் இலைகள்.

மலர் தான்

இன்றைய பொழுது
நேற்றைப் போல
உதிர்ந்து போகும் வாடிய

மலர் தான்

சதைகளின் காலம்

சதைகளைக் கண்டு

மோகித்து சதைகளை நுகர்ந்து கொன்று

சதைகளாய் அலைந்து மடியும்

மனச் சதை

சதை மனம் மடியும் காலம்

அண்மிக்குமா

இது சதைகளின் பொழுது

எங்கேனும் மனிதன் இருந்தால் சொல்

நிலவிடம்

பிறை வளரும்

தமிழ் மலை

நீர் வழிப்படூஉம் புனை போல..
அறவிலை வணிகன் ஆய் அலன்..
செம்புல‌ப் பெய‌ல் நீர் ..
உல‌குபுக‌த் திற‌ந்த‌ வாயில்.. விய‌த்த‌லும் இல‌மெ...
க‌ல்லைப் பிசைந்து க‌னியாக்கி நின்றானை..